Гульня-конкурс "Знаўца беларускай мовы"
З мэтай прывіцця вучням павагі да роднага краю і роднай мовы, як нацыянальнай мовы нашай краіны,18 лютага ў нашым класе прайшла класная гадзіна "Знаўца беларускай мовы". Пазакласнае мерапрыемства было прысвечана Міжнароднаму дню роднай мовы і праводзілася ў форме гульні-конкурсу. Вучні змаглі паказаць свае веды пра Радзіму, пра яе культуру, гісторыю, традыцыі і звычаі, праявілі свой інтэлект. Камандам былі прапанаваны конкурсныя заданні “Пазнай горад па малюнку і пакажы яго на карце", "Апрані ляльку ў адзенне", "Хто ёсць хто?", "Гарады і рэкі Беларусі", "Разгадванне крыжаванкі", "Залацінкі народная мудрасці".
Удала справіўшыся з усімі заданнямі, рабяты пераканаліся, што родная мова жыве па сваіх законах і сакрэтах. А адчуць іх трэба душой і сэрцам, бо “словы роднай мовы — як зярняткі для мукі, як зоркі для неба, як нектар для кветак”. А жыццё, як вядома, любіць ініцыятыўных, дапытлівых, тых, хто знаходзіцца ў пошуку новых адценняў родных слоў.
